El Real Oviedo algamó un alcuerdu cola Real Sociedad pa'l trespasu de Carlos Fernández, que se convierte en nuevu xugador de la entidá azul en propiedá hasta xunu de 2028, a espenses de superar el reconocimientu médicu pertinente.
Nacíu en Castilleja de Guzmán (Sevilla) el 22 de mayu de 1996, Carlos Fernández formóse na cantera del Sevilla FC, club col que debutó col primer equipu siendo entá canteranu, entamando asina una trayeutoria que-y llevó a competir tanto en Primer como en Segunda División.
Tres la so etapa de formación en Nervión, el delanteru salió cedíu al Deportivo de La Coruña y, dempués, al Granada CF, onde firmó una destacada temporada anotando 14 goles ente Lliga y Copa y siendo una pieza importante na histórica clasificación del conxuntu nazarí pa la Europa League.
El so rendimientu abrió-y les puertes de la Real Sociedad, equipu al que s’incorporó en xineru de 2021 y nel que permaneció a lo llargo de les caberes seis temporaes. Col conxuntu donostiarra conquistó la Copa del Rei en 2021 pa militar darréu nel Cádiz CF y nel CD Mirandés, firmando nesti postreru una destacada temporada con 16 goles en 35 partíos que reafirmó el so nivel goleador.
Agora, Carlos Fernández llega al Real Oviedo pa reforzar la delantera azul, aportando gol, esperiencia y capacidá de trabayu. Trátase d’un perfil contrastáu, con un estensu bagaxe nel fútbol profesional español y afechu a competir en escenarios de máxima esixencia.
Trayeutoria
- Sevilla FC (2013-2018)
- RC Deportivo (2018-19)
- Granada CF (2019-2020)
- Sevilla FC (2020-2021)
- Real Sociedad (2021-2024)
- Cádiz CF (2024-2025)
- CD Mirandés (2025-2026)
El xugador, que s’incorpora de manera inmediata a la disciplina del primer equipu, nun va facer declaraciones hasta’l momentu de la so presentación oficial.