El Real Oviedo presentó esti martes na sala de prensa GAM del Carlos Tartiere a Juan Cruz y a Carlos Fernández como nuevos futbolistes del conxuntu azul. El direutor deportivu de la entidá, David Fernández, tamién tuvo presente pa acompañar a los xugadores y pa responder a les preguntes realizaes polos medios de comunicación.

"Yera una opción mui atractiva. Agradezco a les persones que fixeron posible que güei tea equí. Esti yera un pasu importante na mio carrera y sentí una confianza plena", declaró en primer llugar Carlos Fernández.

"Toi mui contentu d'estar equí y espero aportar al equipu tolo posible. Hai un bon grupu y eso ye mui importante pa esti añu", apuntó Juan Cruz.

Al ser preguntáu poles aspiraciones del Real Oviedo esta campaña, el nuevu llateral azul señaló que "toos sabemos el proyectu que ta faciendo'l Club y ye de lo más ambiciosu de la categoría. La mio mentalidá ye la mesma. Venir equí a ayudar y yo considero esti Club de Primer División que ye onde tien que tar".

Cuando llegó'l turnu de preguntes pal direutor deportivu, David Fernández destacó que "tuvimos convencíos nel planu futbolísticu de los dos. La conversación con dambos foi decisiva pa tar seguros de que yeren les primeres opciones y que queríemos que tán con nós".

"Tamos preparaos pa tolo que pueda asoceder. Tanto en salíes como entraes. Tenemos una parte importante de la plantiya yá con nós y eso ye una noticia importante", concluyó finalmente.