El Real Oviedo Vetusta continúa avanzando na so puesta a puntu de cara al entamu de la temporada 2026/27. Tres empatar ensin goles (0-0) el pasáu sábadu frente al Real Avilés Industrial, el filial azul afronta esta selmana dos nuevos compromisos de pretemporada col oxetivu de siguir acumulando minutos, sensaciones y ritmu de competición.

El conxuntu dirixíu por Roberto Aguirre va desplazase esti miércoles pa enfrentase al Zamora CF nel Estadiu Luciano Rubio, nun alcuentru que va entamar a les 20:00 hores. Posteriormente, los azules van tornar a El Requexón pa disputar el so segundu amistosu de la selmana, que va tener llugar el sábadu, a partir de les 12:00 hores, frente al Atlético Tordesillas.

Dos nueves pruebes pa un Vetusta que continúa col so procesu de preparación braniega, nel que'l cuerpu técnicu busca siguir consolidando conceutos, fortalecer el trabayu del grupu y llegar nes meyores condiciones posibles al entamu de la competición lliguera.