El Real Oviedo derrotó por 3-1 a la SD Eibar gracies a un doblete de Carlos Domínguez y un tanto de Mikel Goti. Los azules sumen d'esta forma tres puntos bien importantes ante'l líder nun alcuentru onde'l conxuntu armeru punxo-y les coses bien complicaes a los de Julián Calero.
Aarón Narváez, David Jiménez, Dani Calvo, Carlos Domínguez, Samu Rodríguez, Mikel Goti, Youness, Aldasoro, Reina, Enzo y Víctor Mingo. Asina salió'l Real Oviedo nel día de güei.
Nun pudo entamar meyor el partíu pa los carbayones. Nel minutu 3, Mikel Goti anotó'l primeru con un gran tanto dende fuera del área pa adelantar a los sos nel marcador. El conxuntu visitante echó'l restu en busca del empatín pero un Aarón Escandell imperial evitó l'empatín y fixo que'l Real Oviedo calteniera la so ventaya. Yá al llende'l descansu, Carlos Domínguez anotó'l segundu y col 2-0 el partíu foi al descansu.
Tres la reanudación, la SD Eibar nun cambió'l so guión de partíu y buscó l'empatín dende'l entamu. Nel 65´, Julián Calero movió'l banquillu y dio entrada a Morales, Nacho Vidal y Villahermosa. Nel 74´, Iván Gil recortó distancies con un bon gol y metió'l mieu nel cuerpu de los más de 20.000 aficionaos que güei se dieron cita nel Carlos Tartiere.
Pese al arreón final del conxuntu vascu, l'Oviedo aguantó y Carlos Domínguez sentenció nel 85´ un partíu nel que'l conxuntu carbayón llogró llevar los tres puntos.
