ROV / NOTICIES

Victoria trabayada y necesaria

Los de Ziganda sumen tres puntos capitales na so llucha por algamar la permanencia, con un bon partíu ente'l Sabadell

Volver

09/05/2021 19:24

La xornada 38 en LaLiga Smartbank dexó nel NMR Carlos Tartiere un Real Oviedo– CE Sabadell, partíu importante nel oxetivu oviedista d'averase a los cincuenta puntos, con resultancia final satisfactoria para'l conxuntu de la capital del Principáu, en imponiéndose por 2-1 al equipu arlequinado.
Ziganda, que cumplía'l so segundu partíu de sanción y nun pudo tar presente nel banquín, punxo en tema sobro'l feudu oviedista un once formáu por Femenías; Lucas, Grippo, Arrribas, Mossa; Sangalli, Jimmy, Edgar, Borja Sánchez; Nahuel y Rodri Ríos, pa encarar la primera de los cinco finales, como catalogó'l preparador oviedista na previa del partíu, que-y queden a los azules d'equí a la conclusión de la temporada.
Na primer parte, el Real Ovido salió a facese col control del xuegu, amosándose más efectivu que'l conxuntu catalán de cara a portería. Un Sabadell, en dinámica positiva, que nun-y punxo les coses fáciles a un Real Oviedo, consciente y responsabilizáu de la importancia del alcuentru, qu'adulces se foi averando a la meta defendida por Mackay. Mossa intentólo en primer instancia, y darréu foi Rodri, que, tres un bon centru de Jimmy, punxo'l primeru pa los azules nel marcador. Intentólo´l Sabadell con cobardes acercamientos sobro l'arcu defendíu por Femenías y el conxuntu uvieín siguía'l guion inicial, teniendo la pelota y tratando abrir distancia nel marcador. Sería'l conxuntu arlequinado el qu'atinaría de cara a puerta, con un gran gol énte'l que'l porteru oviedista nun pudo facer nada. Nun dio tregua'l Real Oviedo, que, a la siguiente xugada, volvió adelantrase nel marcador. Nahuel, tres una bona xugada de Rodri que cutió nel palu, punxo'l 2-1 pa los azules. Con esta resultancia llegar al descansu.
Tres el pasu por vestuarios, nel que los de Ziganda entraron meyor al partíu, túvola Borja Sánchez y Simone Grippo, pero una bona actuación de Mackay en dambes ocasiones quitaron a los de la capital del Principáu d'empezar la segunda metá con gol. El Sabadell, col marcador en contra, trató de facese cola pelota y propuso más que los azules, anque la defensa carbayona, bien seria mientres los 90 minutos, evitó cualesquier adico del empate. Ziganda movió'l banquín cola entrada de Borja Valley Obeng, primero, pa dempués introducir sobro'l verde a Bolaño. El choque acabó con dambos equipos apostándose la pelota y les ocasiones.
El Real Oviedo suma tres puntos capitales na so llucha por algamar la permanencia, y la próxima selmana volverá xugar nel NMR Carlos Tartiere ente'l Málaga.

ROV / J38 LaLiga SmartBank

  • Joan Femenias
  • Lucas
  • Grippo
  • Arribas
  • Mossa
  • Sangalli
  • Edgar González
  • Jimmy Suárez
  • Borja Sánchez (86')
  • Rodri (75')
  • Nahuel (74')

Suplentes

  • Viti
  • Samuel Obeng (76')
  • Gabriel Brazão
  • Guille Bernabeu
  • Tejera
  • Johannesson
  • Borja Valle (75')
  • Carlos Hdez
  • Blanco Leschuk
  • Bolaño (87')
  • Mackay
  • Rubio
  • Grego S. (63')
  • Juan
  • Pierre Cornud (78')
  • Jaime
  • Undabarrena
  • Juan Hernández (78')
  • Boniquet
  • Néstor (63')
  • Stoichkov (70')

Suplentes

  • Fuoli
  • Edgar Hernández (79')
  • Gorka Guruzeta (64')
  • Pedro Capó
  • Víctor García (64')
  • Froilán Leal
  • Aleix Coch
  • Héber Pena (71')
  • Aarón Rey (79')

Estadiu

Carlos Tartiere

Goles

  • 1-0 (16'). Rodri
  • 1-1 (38'). Rubio
  • 2-1 (39'). Nahuel

Árbitru

Daniel Ocón Arráiz amonestó aEdgar González (52'), Arribas (83'), Grippo (93') del Real Oviedo y Gorka Guruzeta (81'), Juan (86') del CE Sabadell.