A les 12:00 hores d'esti 10 de setiembre, la sala de prensa del Carlos Tartiere foi escenariu de la comparecencia previa al próximu compromisu de la Selección Española, que va tornar a Uviéu pa enfrentase a la República Checa el próximu 3 d'ochobre. 

L'actu cuntó cola presencia del seleccionador nacional, Luis de la Fuente, nuna xornada especialmente significativa pa'l fútbol uviedín. La Selección va volver xugar un partíu na capital del Principáu d'Asturies 11 años dempués, permitiendo a los afeccionaos de la ciudá, que esgotaron les entraes en minutos, volver disfrutar de la vixente campeona del mundu. 

Xunto a Luis de la Fuente, tamién tán presentes representantes de les principales instituciones asturianes y uviedines, ente ellos l'alcalde d'Uviéu, el presidente de la Real Federación de Fútbol del Principáu d'Asturies y el conseyeru d'Facienda y Asuntos Europeos del Principáu d'Asturies. Tamién asistieron al actu Jesús Martínez, presidente del Grupu Pachuca, Martín Peláez, presidente del Real Oviedo, amás de trabayadores del club y numberosos representantes de los medios de comunicación. 

Nel so discursu, Luis de la Fuente amosó la so satisfacción por tornar a Asturies y, especialmente, por facelo nuna ciudá con una estrecha vinculación col fútbol. “Tóime encantáu de venir a una ciudá tan futbolera como Uviéu. Nunca dirixí n'Asturies, en nenguna de les categoríes, por eso tóime mui feliz, porque la mio güela yera asturiana. Tengo munches ganes de volver equí pa xugar”. 

La visita de la Selección Española supón asina un aconceyimientu especial pa Uviéu y pa'l Real Oviedo, que va volver ser protagonista d'una gran cita futbolística col Carlos Tartiere como escenariu d'un nuevu partíu internacional. El próximu 3 d'ochobre, Uviéu va volver recibir a los nuestros bicampeones del mundu.