ROV / NOTICIES

Un puntu supo a pocu

Tables nel Anxo Carru, nun partíu nel que los de Ziganda fueron meyores qu'el so rival y nel que solo faltó'l gol

Volver

25/11/2020 00:20

Nueve meses y un día dempués del so debú nel Anxo Carru, el Real Oviedo de Ziganda volvía vese les cares col conxuntu gallegu, nun duelu de dos equipos n'inercia positiva, qu'acabó con tables nel marcador.
Con seis cambeos nel once inicial, siendo Grippo, Arribas, Lucas, Cedric, Javi Mier y Obeng les novedaes nel equipu de Ziganda, saltaron los azules sobre'l Anxo Carru. Na primer parte, na que los primeros minutos fueron de dominiu y posesión local, debíu al emburrión inicial que quixo aplicar l'equipu de casa, el Real Oviedo foi de menos a más, dando un pasu adelantre conforme corría'l reló, con recuperaciones de balón bien rápides en trés cuartos de campu, que favorecieron les llegaes azules a la área rival. Los centros de Cedric y les combinaciones de Sangalli y Juanjo en banda fixeron que'l Real Oviedo punxera al conxuntu lucense contra les cuerdes. Javi Mier y Teyera tamién esfrutaron d'ocasiones para abrir el marcador. El Llugo quitó-y la pelota a los de Ziganda al filu del descansu, con dalgún acercamientu sobre la meta de Femenías.
Tres el pasu por vestuarios, el guion foi similar al del primer actu, con un Lugo que volvió salir con más chispa que'l conxuntu oviedista, que foi faciéndose col dominiu de manera progresiva, ensin apenes sufrir ocasiones de los locales. Buscando les segundes xugaes y los disparos dende fora de la área, los azules tuvieron les más clares. Nahuel saltó al terrén de xuegu, dándo-y chispa y xuegu entre llínees a los de la capital del Principáu. Quedando diez minutos para'l final, Ziganda dio entrada a Rodri y Borja.  El partíu acabó con una llucha por facese cola pelota, na que'l Real Oviedo volvería esfrutar de delles ocasiones para abrir el marcador.
El Real Oviedo  va volver mañana a Uviéu, onde va empezar a trabayar nel próximu partíu énte'l Almería, el llunes dende les 21:00 hores nel NMR Carlos Tartiere.

ROV / J14 LaLiga SmartBank

  • Ander
  • Campabadal
  • Frederico Venâncio
  • Alende
  • Luis Ruiz
  • Chris Ramos (66')
  • Juanpe (79')
  • Iriome A. B. (66')
  • Cristian H. (84')
  • C. Pita
  • M. Barreiro (79')

Suplentes

  • Hacen (85')
  • Carrillo (80')
  • Gerard (67')
  • Marcelo Djaló
  • Antón Quindimil
  • R. Canella
  • Hugo Rama (80')
  • N. I. Seoane
  • Varo
  • Xavi T. (67')
  • Joan Femenias
  • Juanjo
  • Arribas
  • Grippo
  • Lucas
  • Edgar González
  • Sangalli
  • Tejera
  • Cedric (63')
  • Javier Mier (81')
  • Samuel Obeng (81')

Suplentes

  • Rodri (82')
  • Jimmy Suárez
  • Johannesson
  • Riki
  • Mújica
  • Bolaño
  • Carlos Hdez
  • Borja Sánchez (82')
  • Mossa
  • Viti
  • Gabriel Brazão
  • Nahuel (64')

Estadiu

Estadio Ángel Carro

Goles

    Árbitru

    Eduardo Prieto Iglesias amonestó aCampabadal (76'), Gerard (81') del CD Lugo y Arribas (42'), Edgar González (64'), Lucas (87') del Real Oviedo.