El Real Oviedo lleva'l derbi asturianu tres imponese al Real Sporting de Xixón por 2-0 nel Carlos Tartiere. Los azules dominaron de principiu a fin y llevaron los tres puntos nun partíu sobresaliente nel que la comunión ente afición y equipu foi total mientres los 90 minutos. 

Dempués d'un recibimientu acorde al alcuentru que se diría disputar, los futbolistes del conxuntu azul salieron a morir y prueba d'ello foi'l gol nada más entamar de Chris Ramos. El delanteru azul batió nel unu pa unu a Yáñez nuna xugada que finó col ariete lesionáu y teniendo que abandonar el terrén de xuegu en sustitución de Reina.

Con esi entamu de lloucura, el Tartiere medró y llevó a los sos en bolandes mientres una primer metá en que l'Oviedo foi superior. 

Dempués de la reanudación, los carbayones caltenieron la so idea de partíu y l'equipu foi direutu a por el segundu. El Real Sporting de Xixón, pola so parte, casi nun inquietó la metá defendida por Aarón Escandell. 

Nel 71´, Víctor Mingo y Aldasoro entraron al campu por Jacobo González y Villahermosa. Actu seguidu, Gelabert foi espulsáu tres la revisión del VAR y los visitantes afrontaron los últimos minutos de partíu con un xugador menos.

Enzo Pérez y Aisar foron los últimos cambios d'un partíu nel que entá quedaba un momentu mui especial por vivir. El mozu canteranu aprovechó un balón muertu nel área pa anotar de volea'l so primer gol de la temporada y facer que'l Tartiere estallara de felicidá. 

Con esi gol d'Enzo el Real Oviedo certificó la so victoria nel derbi asturianu y llevó tres puntos que impulsen la moral de los de Calero y faen que los ovetenses sumen la so primer victoria de la temporada nel Carlos Tartiere.