ROV / NOTICIES

Tables en Santo Domingo

Los azules suman un puntu na so visita al Alcorcón, con una bona segunda metá na que se mereció más

Volver

30/03/2021 21:31

Real Oviedo y Alcorcón viéronse les cares esta tarde en Santo Domingo, na xornada 32 de LaLiga Smartbank, con repartida de puntos a la fin de los 90 minutos de xuegu.
Con ocho cambeos nel once respectu al pasáu partíu nel NMR Carlos Tartiere, poniendo en tema a Femenías, Johannesson, Carlos Hdez., Arribas, Bolaño, Lucas; Jimmy, Edgar, Javi Mier; Obeng y Rodri Ríos para encarar el segundu de los tres alcuentros que tienen los de la capital del Principáu en menos de siete díes.
Salió meyor el Alcorcón na primer parte, qu'empezó col tanto alfareru nel minutu unu del alcuentru. Costába-y al Real Oviedo entrar a un choque, qu'a partir del minutu 30 empezó a tener tintes de color azul. Con balones llargos, los de Ziganda empezaron a xenerar acciones de peligru sobre la meta defendida por Dani Jiménez. Rodri dispunxo de la primer ocasión para poner l'empate nel marcador, pero la defensa local sacó'l balón na llínea de gol. Los de la capital del Principáu siguieron intentándolo, faciendo apurrise a xeitu a la meta mariellu. Nel minutu 40, Obeng anotó para'l Real Oviedo, pero l'árbitru, en revisando nel VAR, anuló'l gol por un fora de xuegu bien rigorosu. Cola resultancia de 1-0 llegar al descansu.
Na continuación, onde'l Real Oviedo fízose col control del balón, el Alcorcón metióse na so área, buscando les contras para poner el peligru sobre la meta de Femenías, anque nun consiguieron materializar les acciones que dispunxeron. Nel balón paráu llegó una de les acciones más clares del Real Oviedo nel segundu actu, tres un balón a la área de Javi Mier, Carlos remató al segundu palu y Obeng, con un remate dende la área pequena, mandó'l balón raspiando'l palu esquierdu. Ziganda dio entrada a Sangalli, Tejera y Nahuel, qu'apurrieron fluidez al ataque oviedista. Borja Valle y Blanco Leschuk fueron los siguientes cambeos utilizaos pol técnicu navarru. Nuna bona xugada per banda de Johannesson, Javi Mier punxo un balón al interior de la área, que Blanco Leschuk remató para poner l'empate nel marcador. Nos últimos minutos del alcuentru, col Real Oviedo entornáu al ataque, Javi Mier tuvo una clara ocasión, que por unos centímetros nun llegó a rematar.
Nuevu puntu para'l Real Oviedo, que mañana va volver al trabayu n'El Requexón para preparar el so próximu compromisu énte'l Castellón. Los azules van visitar Castalia el próximu sábadu, dende les 18:15 hores.

ROV / J32 LaLiga SmartBank

  • D. Jiménez
  • José León
  • Javier Castro
  • José Carlos
  • Fidel Escobar
  • Gorostidi (87')
  • Kelechi Nwakali (87')
  • C. Bellvís (87')
  • Víctor García (77')
  • M. Gual
  • Iván Martínez (70')

Suplentes

  • Embaló
  • Óscar Arribas (78')
  • Samuel Sosa (88')
  • Boateng (88')
  • Ojeda (71')
  • Hugo Fraile (88')
  • Reko
  • Guito
  • Carlos Mena
  • Samu Casado
  • Joan Femenias
  • Carlos Hdez
  • Arribas (59')
  • Bolaño
  • Edgar González
  • Lucas (59')
  • Jimmy Suárez (59')
  • Javier Mier
  • Johannesson
  • Rodri (75')
  • Samuel Obeng (75')

Suplentes

  • Sangalli (60')
  • Juanjo
  • Viti
  • Gabriel Brazão
  • Mossa
  • Borja Valle (76')
  • Tejera (60')
  • Nahuel (60')
  • Borja Sánchez
  • Blanco Leschuk (76')
  • Grippo

Estadiu

Santo Domingo

Goles

  • 1-0 (2'). Kelechi Nwakali
  • 1-1 (84'). Blanco Leschuk

Árbitru

Daniel Ocón Arráiz amonestó aIván Martínez (18'), Víctor García (78'), Samuel Sosa (93') del AD Alcorcón y Carlos Hdez (62') del Real Oviedo.