La xornada 23 en LaLiga Smartbank llevó al Real Oviedo al Estadiu de Cartagonova, pa vese les cares col Cartaxena, nun alcuentru qu'acabó colaresultancia de 2-0 en contra de los intereses oviedistas.

 

Con un once formáu por Femenías; Juanjo Nieto, Grippo, Bolaño, Lucas; Sangalli, Edgar, Tejera, Nahuel; Blanco Leschuk y Borja Sánchez saltaron los azules al verde del estadiu cartaxinés.  Na primer metá, onde los azules empezaron perbién ordenaos y col control de xuegu, los de la capital del Principáu avisaron dende los primeres compases del choque, con delles ocasiones que se colaron por pocu. Sería'l Cartaxena, dende la esquina, quien s'adelantrara nel marcador. El VAR foi protagonista, perxudicando los intereses oviedistas, con un penalti anuláu, nel qu'un xugador blanquinegru baltó a Sangalli na área, pero l'árbitru, tres revisión, decretó que nun había contactu. Con esta acción llegóse al descansu.

Tres la continuación, l'equipu trató de salir meyor al partíu qu'el so rival, anque-y costó encadenar l'últimu pase para llegar a la llínea d'ataque. El Cartagena volvió ponese per delantre nel marcador. El Real Oviedo movió'l banquín, cola entada de Borja Valle, Javi Mier, Rodri Ríos y Mossa, anque nun surdieron efectu para da-y la vuelta al choque.

Derrota en Cartagonova para los azules, que van volver esta tarde para Oviedo, onde van empezar a preparar el so próximu compromisu énte'l CD Lugo.