El Real Oviedo pon a la venta les entraes pa los tres primeros encuentros de la temporada nel Carlos Tartiere, col debú lligueru frente al Granada CF esti sábadu a les 19:00 hores como primera cita.

El conxuntu azul entamará la competición ante'l so públicu nun Tartiere que va volver a vivir l'ambientu d'un partíu oficial. Pa esti encuentru, asina como pa los dos siguientes compromisos lligueros en casa, yá se pueden adquirir les llocalidaes.

Los precios de les entraes de públicu xeneral parte de 30 euros (pa que aquellos abonados y carnet oviedista puedan retirar llocalidaes pa los sos acompañantes a un preciu más baxu que'l públicu xeneral). Les entraes a la venta ensin descuentu por abonáu o carnet oviedista tienen un preciu de 45 euros, nel casu de los partíos frente a Granada y Leganés.

Pa l'encuentru frente al Burgos CF, les entraes van tener un preciu dende 45 euros pa retirada preferente de los acompañantes de carnets oviedistes y abonados; y dende 65 euros pal públicu xeneral.

Por otru llau, el Club informa que na midida de lo posible va intentar dir sacando los precios de les entraes de los siguientes partíos según se fijen los horarios.

Yá pues adquirir les tos llocalidaes en entradas.realoviedo.es