El Real Oviedo continúa sumíu na so campaña d'abonaos de la temporada 2026/2027. A falta de dos díes pa que finen el periodu de renovación, el Club carbayón suma 24.155 abonaos y 4.426 carnés oviedistes, que faen un total de 28.581 miembros de la familia oviedista.

Güei, vienres 26 de xunu, va ser el caberu día nel que se puedan facer renovaciones de manera presencial. Hasta les 18:00 hores, la Oficina d'Atención al Abonáu, con accesu pola puerta 15 del estadiu Carlos Tartiere, va tar abierta pa tramitar renovaciones físiques. A partir d'esi momentu y hasta'l próximu domingu, 28 de xunu, les renovaciones namái van poder formalizase al traviés del Portal del Abonáu.

Próximes feches y plazos

La campaña d'abonaos va entrar nuna breve pausa'l próximu 29 de xunu, col oxetivu de lliberar los asientos correspondientes a aquellos abonaos que nun formalizaren la so renovación. Una vegada completáu esti procesu, el 30 de xunu va abrir el segundu y caberu plazu reserváu exclusivamente pa los 356 abonaos afectaos poles obres realizaes na Tribuna Lángara mientres la temporada 2023/24, quienes van tener la oportunidá de tornar a esta zona del estadiu enantes de que se habiliten los siguientes procedimientos.

Dempués, ente los díes 1 y 3 de xunetu, van xestionase les solicitúes de cambéu d'asientu, que van tar suxetes a la disponibilidá real esistente tres la lliberación de places. El 4 de xunetu, el Real Oviedo va comunicar el númberu definitivu de llugares disponibles pa nueves altes, ente que'l 6 de xunetu va abrir el turnu pa los poseedores del Carné Oviedista de la temporada pasada, que van contar con prioridá d'accesu pa abonase siguiendo estrictamente l'orde d'inscripción na llista d'espera.