Si el to asientu se vende, recuperarás el 50% del importe obtengíu pola venta d'esa entrada, una cantidá que s'acumulará como descuentu pa la renovación del to abonu de la temporada 2027/28, hasta un máximu del 50% del valor total del to abonu.
El Real Oviedo pon a disposición de los sos abonados un nuevu sistema de liberación d'asientos, pensáu pa aquellos partíos nos que, por motivos llaborales, viaxes o cualquier otra circunstancia, nun puedan acudir al Carlos Tartiere.
A través d'esti sistema, los abonados podrán lliberar la so llocalidá pa que esta se ponga a la venta y pueda ser ocupada por otru oviedista. D'esta forma, contribúyese a que'l Carlos Tartiere presente'l meyor ambiente posible en cada alcuentru y a que'l equipu cuente col máximu sofitu dende la grada.
Amás de contribuir a llenar l'estadiu, la liberación d'asientos permitirá al abonáu algamar un beneficiu económicu.
Si la llocalidá lliberada se vende, l'abonáu recibirá'l 50% del importe efectivu de venta d'esa entrada, que s'acumulará como saldo pa aplicar como descuentu na renovación del so abonu de la temporada 2027/28. El saldo acumuláu podrá algamar, como máximo, el 50% del valor total del abonu.
L'importe que recibirá l'abonáu dependerá del preciu final al que se venda l'entrada, que podrá variar en función del tipu de comprador, seya abonáu o públicu xeneral. En tolos casos, l'abonáu percibirá'l 50% del preciu efectivu de venta de la so llocalidá.
El saldo xeneráu mediante la liberación d'asientos será válidu exclusivamente pa la renovación del abonu de la temporada 2027/28.
Asina mesmu, en casu de que l'abonáu decida cambiar de zona dientro del estadiu pa la temporada 2027/28, perderá'l saldo acumuláu a través d'esti sistema.
La liberación d'una llocalidá nun implica, por sigo mesma, la xeneración de saldo: esti acumularase namái cuando l'asientu seya finalmente vendíu.
Con esta iniciativa, el Real Oviedo busca que cada llocalidá pueda ser ocupada cuando'l so abonáu nun tea en condición de acudir al alcuentru.
Gana'l Real Oviedo, porque'l equipu contará col sofitu d'un Carlos Tartiere col meyor ambiente posible.
Gana l'abonáu, porque podrá convertir una llocalidá que iba quedar vacía nun aforru pa la renovación del so próximu abonu.
Gana otru oviedista, que tendrá la oportunidá de disfrutar del partíu y animar al equipu dende'l Carlos Tartiere.
Cada asientu cuenta. Si un día nun puedes acompañar al Real Oviedo, llibera la to llocalidá y permite que otru oviedista ocupe'l to llugar. Entre toos, siguirémos faciendo del Carlos Tartiere l'escenariu que'l nuesu equipu necesita en cada partíu.
Puedes realizar la liberación del to asientu nel Portal del Abonáu.