El Real Oviedo y el Celtic F.C algamaron un alcuerdu pa'l trespasu del
delanteru Haissem Hassan, que va siguir la so carrera deportiva nel conxuntu escocés.

El futbolista llegó a la capital del Principáu nel mercáu d'iviernu de la temporada 2024/25. Nesa temporada, onde l'equipu llogró l'ansiáu ascensu a Primera División, Hassan xugó un total de 44 partíos, marcó cuatro goles y repartió tres asistencies. Yá na máxima categoría del fútbol español, l'internacional con Exiptu que deslumbró nel Mundial tamién tuvo protagonismu y xugó un total de 38 partíos nos que dio tres asistencies.

D'esta forma, Haissem Hassan pon fin a la so etapa como xugador del Real Oviedo tres xugar 82 partíos oficiales y ser ún de los futbolistes de mayor relevancia del conxuntu carbayón mientres estes dos caberes campañes.

El Real Oviedo quier agradecer al estremu la so profesionalidá, dedicación y defensa del nuesu escudu mientres el tiempu que vistió la camiseta azul, y deséyalu'l mayor de los ésitos nesta nueva etapa de la so carrera profesional.