El Real Oviedo presentó esti xueves na sala de prensa GAM del Carlos Tartiere a Dani Villahermosa como nuevu futbolista del conxuntu azul. El direutor deportivu de la entidá, David Fernández, tamién estuvo presente pa acompañar al xugador y responder a les preguntes de los medios de comunicación.

"Vine pa aportar al equipu y dar lo meyor. Ayeri fiximos un bon partíu toos", señaló en primer llugar Dani Villahermosa mientres la so comparecencia.

El centrucampista tamién valoró los sos primeros minutos cola camiseta azul, asegurando que "costóme entrar nel partíu, pero creo que fui de menos a más y salió un bon partíu en colectivu. Victoria en pretemporada que tamién ye importante".

Pela so parte, el direutor deportivu del Real Oviedo, David Fernández, destacó la confianza que'l Club depositó nel nuevu futbolista azul dende va años. "Foi un puntu decisivu conocelu dende que tenía 7 años. Tabemos seguros de que yera un xugador preparáu pal Real Oviedo y pa facenos más grandes", afirmó.

Cola incorporación de Dani Villahermosa, el Real Oviedo sigue reforzando la so plantiya de cara a una temporada ilusionante, sumando un futbolista nel que la direición deportiva confía plenamente pola so proyección, conocencia del xuegu y capacidá pa siguir medrando dientro del proyectu azul.