El Real Oviedo y Goretti Neira algamaron un alcuerdu pa renovar el contratu de la futbolista, que d'esta manera va siguir vinculada a la disciplina azul mientres el so procesu de recuperación.

Neira llegó al Real Oviedo Femenín esti branu procedente del Real Avilés, pa reforzar el carril izquierdu. Agora sufrió una rotura del lligamentu cruzáu anterior que la obligó a pasar pel quirófan. Ye un golpiu duru nel personal y nel deportivu, pero nun cambió'l compromisu mutu ente la xugadora y la entidá carbayona.

La llateral finaba contratu'l próximu 30 de xunu. Con esta renovación, va afrontar la so recuperación como parte activa del equipu, acompañada en to momentu pol cuerpu médicu y técnicu.

Dende'l Club queremos amosar tol nuesu sofitu a Goretti nesti estáu. Confiamos en que'l so esfuerciu y la so profesionalidá la lleven a volver más fuerte.