El Real Oviedo presentó esti xueves, 13 d'agostu, nel Estadiu Carlos Tartiere a Carlos Domínguez como nuevu futbolista del conxuntu azul. L'actu contó cola presencia del direutor deportivu de la entidá, David Fernández, que acompañó al central na so puesta de llargu como xugador carbayón.

Duranti la so presentación, el nuevu xugador azul destacó la ilusión por entamar esta etapa n'Uviéu y el so deséu d'adaptase rápido al equipu pa afrontar los retos de la nueva temporada.

"Foi too mui rápido. Tóime adaptando poco a poco pero'l grupu ye mui bonu y toi mui contentu. Cuando salió la opción d'Uviéu yo dixi que sí dende'l primer momentu porque ye un Club con muncha hestoria n'España", señaló'l nuevu xugador azul.

"Tengo bona salida de balón. Defínome como un central contundente y vengo a aportar nesi perfil izquierdu", destacó'l zaguero vigués.

Sobre la so llegada a Uviéu, el primer partíu nel Tartiere y la presencia de David Costas nel equipu, Carlos apuntó que "falé con él la temporada pasada y díxome que'l Club taba bien polo que la decisión foi bastante fácil. Tengo munches ganes de xugar y de ver l'ambientu que hai equí. Quiero vivilo y tengo muncha ilusión".

Por último, David Fernández tomó la pallabra y faló de los temes d'actualidá del conxuntu azul. "El nivel de satisfacción ye mui altu col tema Hassan porque tán contentes toles partes implicaes".

"Les plantiyes considérense cerraes cuando acaba'l mercáu pero pue suceder cualquier cosa entá", concluyó'l direutor deportivu del Real Oviedo.