El Real Oviedo y el Real Zaragoza algamaron un alcuerdu pa'l trespasu del delantera centru Joaquín Delgado, que va siguir la so carrera deportiva nel equipu maño.

L'utreranu Joaquín Delgado llegó a la disciplina azul nel branu de 2024. Na so primer temporada como xugador del Real Oviedo, l'atacante foi una pieza fundamental del filial carbayón, anotando un total de 23 goles en Tercera RFEF y llogrando un ascensu a la cuarta categoría del fútbol español.

Na so segunda campaña como azul, el delantera volvió a demostrar la so capacidá goleadora. Mientres la primer metá de la temporada, Delgado consiguió 14 goles y repartió cuatro asistencies, unos rexistros que-y permitieron una cesión nel filial del FC Barcelona, onde disputó la segunda metá del cursu.

Tres dos temporaes na estructura del Real Oviedo y dempués de demostrar la so capacidá y olfatu goleador nel filial carbayón, Joaquín Delgado afronta agora una nueva etapa na so carrera deportiva nes files del Real Zaragoza.

Dende'l Real Oviedo queremos agradecer a Joaquín Delgado el so compromisu y dedicación mientres la so etapa como xugador azul y deseyar-y la meyor de les suertes nesti nuevu capítulu de la so carrera profesional.