El Real Oviedo cayó derrotáu ante'l CD Leganés por 0-1 nun choque onde los de Julián Calero xugaron con un futbolista más pola espulsión de Raúl Fernández nel minutu 24. Dempués del empate ante'l Granada CF, el conxuntu azul tornaba al Carlos Tartiere col oxetivu d'algamar la primer victoria de la temporada pero nun foi posible.

Aarón Escandell, Nacho Vidal, David Costas, Dani Calvo, Juan Cruz, Youness, Villahermosa, Reina, Pablo Sáenz, Jacobo y Chris Ramos. Asina salió'l Real Oviedo al choque, con un solu cambiu que foi l'entrada de Juan Cruz por Samu Rodríguez. El partíu nun entamó de la meyor manera y nel 19' Gharbi adelantó a los madrilanos con un bon gol. 

El choque cambió drásticamente nel 23' cola espulsión de Raúl Fernández. El meta local arrolló claramente a Chris Ramos y el colexáu, tres revisión VAR, amosó-y la tarjeta colorada. L'Oviedo xugó con un xugador más lo que quedaba d'alcuentru anque les ocasiones clares nun llegaron hasta'l final. 

Isfan, Samu Rodríguez y Aisar entraron al campu nel 57' pa remontar el choque. La posesión yera totalmente del Real Oviedo pero al equipu costábalu xenerar peligru sobre la meta del CD Leganés. Nun foi hasta'l tramu final, momentu tamién nel que entraron Carlos Fernández y Víctor Mingo, cuando'l cuadru carbayón mereció'l gol. Un largueru d'Isfan tres un gran remate de cabeza y una chilena espectacular de Mingo, acto siguíu, a piques estuvieron de poner l'empate nel marcador. Aisar tamién intentólo con un derechazu dende fuera del área pero un paradón de Luca Zidane impidiólu. 

Los de Calero intentáronlo hasta'l final pero nun tuvieron premiu y el CD Leganés llevóse los tres puntos del Carlos Tartiere. Próximu alcuentru, ante l'Albacete BP nel Carlos Belmonte.