El xugador del Real Oviedo, Víctor Mingo, atendió a los medios de comunicación en El Requexón y valoró'l bon ambiente dientro del vestiariu, la so adaptación al equipu y l'entamu de temporada.

Víctor amosóse satisfechu col grupu: “Falóse de reforzar la plantiya, pero nós afrontamos esti retu con muncha ilusión. Hai bon grupu y tamos bien”.

Nel planu personal, destacó la so capacidá pa adaptase a les necesidaes del equipu: “Yo al final siempre soi como un camaleón. Adáptome. Aporto'l mio granín de arena”. Sobre la so actuación, esplicó que'l partíu-y pedía tar cerca del área: “El partíu esixía eso. Lo único que tenía que facer yera disfrutar y aprovechar el momentu”.

El delanteru tamién puso en valor un estilu que favorez el so xuegu: “Cuando'l equipu métese en área ye complicáu. A mí, como delanteru, gústame'l xuegu nel área. Too lo que quede ehí, bienveníu seya”.

Sobre la so adaptación al Real Oviedo, Víctor destacó'l sofitu recibíu: “Bastante bien. La xente sofítate muncho y el cuerpu técnicu tamién. La adaptación foi rápida y sencilla porque punxéronmelo fácil dende'l club”.

En cuanto a la competición, el futbolista señaló que tolos equipos compiten y quiso poner en valor el méritu de los rivales: “Los equipos tamién xueguen. Hai méritos del rival”. Ante ello, apuesta por caltener la calma: “Hai que siguir na mesma llinia. Con calma y fáltanos esi aciertu de cara a gol”.

Por último, Víctor destacó la evolución del equipu na presión y pidió siguir trabayando con humildá: “Somos un equipu más. L'esixencia ta ehí, pero nun hai que volverse locos. Sé d'ónde vengo, trabayando día a día y cola mayor humildá”.