El Real Oviedo completó esti martes 25 d'agostu a les 9:30 hores una nueva sesión d'entrenamientu en El Requexón, nel campu 4, dientro de la so preparación pal próximu compromisu de LaLiga Hypermotion.

La principal novedá de la xornada foi Estanis Pedrola, que volvió pisar céspede y completó los primeros minutos de la sesión xunto al restu de los sos compañeros.

L'entrenamientu tuvo marcáu pol trabayu y la intensidá, con rondos y ejercicios de calentamientu pa entamar la sesión, enantes de dar pasu a delles tarees de defensa y ataque y finar con un pequeñu partíu.

El conxuntu azul continúa asina cola so preparación de cara al próximu alcuentru lligueru frente al Albacete, col oxetivu de siguir trabayando y buscar los ansiaos tres puntos nesta tercer xornada.