Rueda de prensa del entrenador del Real Oviedo, Julián Calero, tres la derrota d'esta tarde, énte'l Club Deportivu Leganés, nel Carlos Tartiere.

"Vamos con mal cuerpu. Nun interpretamos bien la primer parte, na segunda intentamos camudar, meter más puntu de remate, tuvimos cuatro o seis ocasiones bien clares, pero la realidá ye que nun les metimos. Al final nun pudo ser".

A entrugues de los periodistes, Calero siguía col so análisis. "Tenemos capacidá pa facer más, pa pisar más l'área y asocianos más y meyor. Nun tuvimos l'aciertu de meter y eso págase. Lo ciertu ye que llevamos dos partíos en casa y nun marcamos, l'otru día con más ocasiones na primer parte y güei na segunda. El fútbol ye tremendamente rigurosu, o marques o nun marques y si nun marques castiguen-te".

El técnicu madrilanu sentenciaba, "somos nós los que nun podemos fallar. Siguir alantre, tener tranquilidá, yo la voy tener, nun perder la perspectiva y tener la calma de siguir trabayando como se ta trabayando. Podemos dar-y la vuelta al aciertu".