El Real Oviedo y Eze algamaron un alcuerdu pa prolongar la vinculación del xugador cola entidá azul, pol que'l defensa va siguir formando parte del conxuntu carbayón hasta xunu de 2029.

El nixerianu, que llegó al Club nel añu 2021 procedente de la Academia Ajuwa Real Oviedo de Nixeria, formó parte de la plantiya del Real Oviedo Vetusta na temporada 2024/2025 y yá sabe lo que ye debutar col primer equipu.

Durante la pasada campaña, el zaguero estuvo cedíu nel Real Avilés Industrial, onde compitió en Primera Federación. Eze disputó nel conxuntu avilesín un total de 19 encuentros y pudo siguir acumulando esperiencia y siguir cola so progresión como futbolista.

Anteriormente, el defensor tamién pasó poles files del CD Llanes, na temporada 22/23, y de L’Entregu, onde firmó una destacada campaña enantes de dar el saltu a una categoría superior.

Tres esti nuevu alcuerdu, los caminos del Real Oviedo y Chukwuma Eze van siguir xuníos hasta xunu de 2029, prolongando asina l’apuesta del conxuntu azul pol crecimientu y desenvolvimientu del futbolista.