El Real Oviedo y el CD Lugo algamaron un alcuerdu pa'l trespasu del centrucampista Guille Berzal, que va siguir la so carrera deportiva nel conxuntu gallegu.

El mediocentru llegó a la disciplina azul nel branu de 2025 procedente del Rayo Majadahonda y dende'l primer momentu foi un xugador importante pal Real Oviedo Vetusta. Nel filial carbayón, y baxo les órdenes de Roberto Aguirre, Berzal disputó un total de 37 partíos la cabera temporada, onde anotó cinco goles y repartió dos asistencies. 

Amás, el mozu futbolista de 21 años foi parte fundamental de la histórica plantía del Vetusta que rozó l'ascensu a Primera Federación la cabera temporada.

Agora, y tres esti gran cursu nel Vetusta, el futbolista va formar parte del CD Lugo, equipu que milita na Primera Federación del fútbol español.