El Real Oviedo y Enzo Pérez algamaron un alcuerdu pa prolongar la vinculación del futbolista cola entidá azul pa les próximes tres temporaes.

El centrucampista, que llegó al Club nel añu 2015 procedente del CD Vallobín, foi una pieza importante nel filial carbayón la pasada campaña. Magar tar entá en edá xuvenil, el xugador disputó un total de 22 partíos y fixo con un puestu na medular del Vetusta. Sicasí, una lesión cuando taba nel meyor momentu frenó la so progresión.

La so evolución y rendimientu dende'l primer momentu convirtieronlu nuna pieza importante dientro del cuadru dirixíu por Roberto Aguirre y nun futbolista con muncha proyección dientro de la disciplina carbayona. Amás, y magar la so mocedá, Enzo ye ún de los escoyíos pa facer la pretemporada col primer equipu esti cursu.

Con esti alcuerdu, los caminos del Real Oviedo y Enzo Pérez van siguir xuníos, reforzando l'apuesta del Club pola continuidá de xugadores con futuru y compromisu.