ROV / NOTICIES

Frenóse la racha

El Real Oviedo cai, con unu menos, ente un Leganés que tuvo más acertáu de cara a puerta y que cafió a los azules de principiu a fin

Volver

14/03/2021 22:35

La xornada 29, col NMR Carlos Tartiere como escenariu, acoyó un Real Oviedo– CD Leganés na nueche del domingu 14 de marzu, cola derrota oviedista a la fin de los 90 minutos reglamentarios.
Ziganda, coles novedaes de Nahuel y Mossa, plantegó un once similar al utilizáu la pasada fin de selmana énte l'Espanyol, poniendo en tema a Femenías;  Juanjo Nieto, Grippo, Bolaño, Mossa; Sangalli, Edgar, Tejera, Borja Sánchez; Rodri Ríos y Nahuel, cola clara intención de sumar tres nuevos puntos, que dexaren a el carbayones sumar la quinta xornada consecutiva ensin conocer la derrota, anque nun se consiguió.
Na primer metá, na que'l Real Oviedo entró bien al partíu, los madrilanos adelantráronse primero con un tanto de Javi Hernández, que, con daqué d'infortuniu pa los azules, superó a Femenías con un tiru dende dientro de la área. Col marcador en contra, los de la capital del Principáu buscaron l'empate, tratando de faese col balón, pero ensin llograr esi últimu pase que los averara a la portería defendida por Cuellar. Con centros dende los llaterales, los de Ziganda trataron de xenerar peligru, anque la defensa del Leganés repelió toles acciones na área pepinera. Cola resultancia de 0-1 llegar al descansu.
Ensin cambeos nel entamu de la segunda metá, qu'empezó col tantu visitante, de nuevu de Javi Hernández, con un tiru dende dientro de la área, el Real Oviedo nun-y perdió la cara al partíu y buscó retayar distancia nel marcador. Dende los once metros llegó'l tantu oviedista, con una bona execución de Tejera, en confirmando l'árbitru col VAR la pena máxima. Inyección de moral pa los azules, qu'introducieron nel campu a Borja Valle y Blanco Leschuk pa dar refrescu al ataque, y darréu a Javi Mier. A falta de venti minutos pal final, el colexáu dexó al Real Oviedo con diez xugadores, dempués d'amosa-y la segunda tarxeta mariella a Bolaño, por una acción un tanto rigorosa. El partíu acabó con un Real Oviedo buscando l'empate, cola opción más clara nuna cabezada de Grippo qu'estrelló nel llargueru, y con un Leganés qu'anotó'l terceru na última xugada del choque.
Nun pudo sumar de trés el conxuntu de la capital del Principáu, que corta una racha de cuatro partíos ensin conocer la derrota, y que la próxima selmana va viaxar a Son Moix pa vese les cares col Mallorca.

ROV / J29 LaLiga SmartBank

  • Joan Femenias
  • Mossa
  • Grippo
  • Juanjo
  • Bolaño
  • Sangalli
  • Edgar González (70')
  • Tejera
  • Borja Sánchez (63')
  • Nahuel
  • Rodri (63')

Suplentes

  • Jimmy Suárez
  • Arribas
  • Gabriel Brazão
  • Viti
  • Samuel Obeng
  • Blanco Leschuk (64')
  • Javier Mier (71')
  • Carlos Hdez
  • Lucas
  • Borja Valle (64')
  • Johannesson
  • Cuéllar
  • Palencia (91')
  • R. Tarín
  • Sergio
  • Miquel
  • Javi Hernández
  • Eraso
  • Rubén Pérez J.
  • R. Pardo (91')
  • Borja (76')
  • Jose Arnáiz (61')

Suplentes

  • Bustinza M.
  • Juan Muñoz
  • Robert Ibáñez (92')
  • Brandon
  • Riesgo
  • Gaku
  • Luis Perea (92')
  • Sabin Merino
  • Kevin Bua (62')
  • Roberto Rosales
  • Diego Conde
  • Miguel De la Fuente (77')

Estadiu

Carlos Tartiere

Goles

  • 0-1 (12'). Javi Hernández
  • 0-2 (48'). Javi Hernández
  • 1-2 (53'). Tejera (p)
  • 1-3 (95'). Kevin Bua

Árbitru

Dámaso Arcediano Monescillo amonestó aBolaño (35')(73'), Mossa (81'), Juanjo (92') del Real Oviedo y Miquel (33'), Palencia (80') del CD Leganés.