El Real Oviedo y el Bolonia FC algamaron un alcuerdu pa'l trespasu del
llateral izquierdu Rahim Alhassane, que va siguir la so carrera deportiva nel
conxuntu italianu de la Serie A.

El futbolista nixerín llegó a la capital del Principáu nel mercáu d'iviernu de la
temporada 2024/25, procedente del Recreativu de Güelva. Dende la so llegada,
Rahim convirtióse nuna pieza importante del equipu, siendo ún de los
xugadores más destacaos na histórica temporada del ascensu a Primera
División en 2025. Amás, formó parte de la plantía oviedista mientres el regresu
del Club a la máxima categoría del fútbol español.

Rahim pon fin a la so etapa como xugador del Real Oviedo tres disputar 57
alcuentros oficiales, nos que destacó pola so entrega, compromisu, velocidá y
capacidá de trabayu. El so rindimientu y constante evolución permitiéron-y crecer
de manera notable tanto nel planu futbolísticu como nel personal,
consolidándose como un futbolista de presente y futuru.

El Real Oviedo quier agradecer a Rahim Alhassane la so profesionalidá,
dedicación y defensa del nuesu escudu mientres el tiempu que vistió la
camiseta azul, y desé-y el mayor de los ésitos nesta nueva etapa de la so carrera
profesional.