El Real Oviedo algamó un alcuerdu col Botafogo, de la Serie A Betano de Brasil, pa la incorporación de Chris Ramos en calidá de cediu, que se convierte en nuevu xugador de la entidá azul hasta xunu de 2027.
Nacíu en Cádiz el 18 de xineru de 1997, Chris Ramos formóse nes categoríes inferiores del CE Mercadal enantes de dar el saltu al San Fernando CD. La so progresión llevólu al Real Valladolid, onde debutó nel fútbol profesional y entamó una trayeutoria marcada pola so potencia física, capacidá de trabayu y olfatu goleador.
Dempués de les sos etapes nel Sevilla Atlético y el CD Badajoz, l'atacante alcontró continuidá nel CD Lugo, onde disputó tres temporaes en Segunda División y anotó 17 goles col conxuntu lucense. El so rendimientu abrió-y les puertes del Cádiz CF, onde permaneció otres tres campañes ente Primera y Segunda División, firmando 16 tantos y consolidándose como un delanteru de referencia nel fútbol español.
Nel branu de 2025 entamó una nueva aventura na Serie A Betano de Brasil pa defender la camiseta del Botafogo. A pesar de que una lesión impidió-y tener la continuidá deseyada mientres l'últimu cursu, el delanteru gaditanu llega agora al Real Oviedo pa reforzar l'ataque carbayón, aportando calidá, potencia, esperiencia y gol.
Trayeutoria
• Botafogo (2025-2026)
• Cádiz CF (2022-2025)
• CD Lugo (2020-2022)
• CD Badajoz (2019-2020)
• Sevilla Atlético (2018-2019)
• Real Valladolid (2017-2019)
• San Fernando CD (2017-2018)
• CE Mercadal (2016-2017)
El xugador, que se va incorporar a la dinámica del equipu nos primeros díes d'agostu, nun va facer declaraciones hasta'l momentu de la so presentación oficial.