Marta Nieto Gutiérrez (Candás, 25/01/2001) conviértese en nueva xugadora del Real Oviedo Femenín.

Formada nel Club Victoria de Perlora, dio'l saltu al Real Sporting de Xixón Femenín en categoría cadete, onde continuó el so medrar hasta entamar en 2021 una etapa nos Estaos Xuníos. Ellí compitió nes lligues universitaries defendiendo los colores de universidaes d'Oklahoma, Idaho y Chicago. En 2023 foi reconocida como la segunda meyor llateral de la so conferencia gracies al so destacáu rendimientu.

La futbolista asturiana llega procedente del Grasshopper Club Zúrich Femenín, equipu nel que militó mientres la temporada 2025/26. Una lesión de llixamento cruzáu anterior impidió-y competir con regularidá mientres la última campaña, anque afronta esta nueva etapa cola ilusión de volver amosar la so meyor versión sobre'l terrén de xuegu.

Estremu reconvertida a llateral izquierda, Marta destaca pol so marcáu perfil ofensivu y la so capacidá pa incorporase al ataque. La so potencia física, la so fortaleza nel xuegu aéreu y la calidá de la so pierna izquierda permíten-y xenerar peligru nel campu rival y aportar fondura pola banda. Amás, la so versatilidá y esperiencia en distintos contextos competitivos conviértenla nuna futbolista de gran valor pal conxuntu azul.

Cola so incorporación, el Real Oviedo suma talentu, trayeutoria y esperiencia internacional a la so plantía de cara a la próxima temporada.