Ainhoa Ramírez Mensa (05/09/2004, Terrassa) conviértese en nueva xugadora del Real Oviedo Femenín pa la temporada 2026/27.

La guardameta catalana llega procedente del CE Europa pa reforzar la portería azul. Formada na cantera del RCD Espanyol, club col que llogró l'ascensu a Primera División, Ainhoa afronta agora una nueva etapa na so carrera deportiva col oxetivu de siguir medrando y aportar la so calidá al conxuntu azul.

Destaca polos sos grandes reflexos baxo los palos, la so agilidad y explosividá en aiciones téuniques, amás de contar con un bon xuegu de pies que-y permite participar con solvencia na salida de balón. La so capacidá pa interpretar el xuegu y la so valentía pa entamar les xugaes baxo la presión rival completen el perfil d'una guardameta moderna y con una notable proyección.

Cola so incorporación, el Real Oviedo incorpora a una portera moza con un destacáu potencial de medría, que llega pa aportar seguridá, personalidá y competitividá a la portería azul.