El técnicu del Real Oviedo, Raúl González, compareció na sala de prensa tres la derrota ante'l Girona FC nel so estrenu nel banquín azul.

"Los dos goles que nos faen son evitables. Asina y too, quedo con munches coses de lo que se vio güei. Esti club y esta ciudá nun se rinde", señaló en primer llugar l'entrenador del conxuntu azul

"Esti partíu l'añu pasáu yera de Primera División. Foi bien igualáu. Faltónos constancia. Lo que nun podemos negar ye que los xugadores lo dieron too", esplicó Raúl al ser preguntáu pol partíu.

"Vamos siguir trabayando cola mesma ilusión. Cuando llegué al vestiariu atopé un equipu que quier que llegue yá'l primer entrenamientu pa preparar el siguiente alcuentru", destacó.

Nel nuesu canal de YouTube pues ver la rueda de prensa completa del entrenador del Real Oviedo.