Tal día como güei, un 7 de xunetu, nel añu 1974, el técnicu Vicente Miera incorporábase per primer vegada al Real Oviedo, al que dirixiría mientres cuatro temporaes, repartíes en dos etapes esitoses.

Vicente Miera Campos, nacíu en Nueva Montaña (Santander) el 10 de mayu de 1940, llegó al Real Oviedo procedente del UP Langreo, equipu nel que se dio a conocer como entrenador de futuru.

Na so primer temporada nel Real Oviedo, la campaña 1974-75, llogró l'ascensu del equipu a Primera División. En 1987 volvería a ocupar el cargu de primer entrenador del Real Oviedo, y esa temporada nuevamente consiguió que'l conxuntu carbayón subiera a la máxima categoría del fútbol español.

Mientres les sos cuatro temporaes nel Real Oviedo, de 1974 a 1976 y de 1987 a 1989, Miera dirixó al equipu en 170 alcuentros oficiales, lo que-y convierte nel entrenador que más partíos sumó nel conxuntu carbayón.

La fotografía que ilustra esti testu amuesa a Vicente Miera nes oficines del Real Oviedo, situes na cai del Marqués de Santa Cruz de Marcenado, en plenu centru de la capital d'Asturies.