El Real Oviedo y el Villarreal algamaron un alcuerdu pa la cesión de Chukwuma Eze pa esta temporada. El xugador militará en Primera Federación na Cantera Grogueta en busca de minutos y de siguir cola so progresión.

El nixerianu, que llegó al Club nel añu 2021 procedente de la Academia Ajuwa Real Oviedo de Nigeria, formó parte de la plantiya del Real Oviedo Vetusta na temporada 2024/2025 y yá sabe lo que ye debutar col primer equipu.

Durante la pasada campaña, el zaguero estuvo cedíu nel Real Avilés Industrial, onde compitió en Primera Federación. Eze disputó nel conxuntu avilesín un total de 19 partíos y pudo siguir acumulando esperiencia y siguir cola so progresión como futbolista.

Anteriormente, el defensor tamién pasó poles files del CD Llanes, na temporada 22/23, y de L’Entregu, onde fixo una destacada campaña enantes de dar el saltu a una categoría superior.

Dende'l Real Oviedo deséamos-y a Eze muncha suerte nesta nueva etapa y una gran temporada.