El Real Oviedo afrontaba la visita al Carlos Belmonte cola necesidá de reencontrase cola victoria dempués de dos xornaes nel Carlos Tartiere nes que’l conxuntu azul sumara un empate y una derrota. Enfrente, un Albacete Balompié que tamién llegaba necesitáu de puntos énte la so afición. El partíu arrancó con muncha igualdá, anque l’Oviedo consiguió facese llixeramente col control del xuegu. Sicasí, a los de Julián Calero costába-yos atopar espacios y les ocasiones clares brillaben pola so ausencia nos primeros compases.

 

La primer gran oportunidá del partíu llevó sellu azul. Aisar atopó a Jacobo con un bon centru y el centrocampista oviedista tuvo’l primer gol nes sos botes, pero’l so remate salió demasiao floxu y terminó nes manes de Mariño. L’Albacete respondió poco dempués con un disparu dende la frontal que Aarón despejó. Nun partíu zarráu y con poques llegaes, Pablo Sáenz empezó a ganar protagonismu. Primero, con una bona acción pola banda que terminó con un disparu de Younes y saqué de esquina dempués del despexe de la defensa manchega.

 

Y foi precisamente Pablo Sáenz l’encargáu d’abrir el marcador. L’Oviedo recuperó’l balón en campu contrariu y, tres la intervención d’Işfan, l’atacante español recibió nuna posición favorable pa sacar a rellucir la so zurda. El so disparu, rasu y axustáu al palu, superó a Mariño y puso’l 0-1 nel Carlos Belmonte. Un gol que premiaba’l bon trabayu del conxuntu azul nuna primer metá igualada y que dexaba al Oviedo dir al vestuariu per delantre.

 

Tres el descansu, el partíu caltuvo’l mesmu guion. El Real Oviedo nun introduxo cambeos y siguió buscando soluciones con poco protagonismu col balón, mentanto l’Albacete asumía la iniciativa obligáu pol resultáu. Nel minutu 65, Calero movió’l banquillu cola entrada d’Aldasoro y Mingo, y más alantre tamién participaron Nacho Vidal y Enzo Pérez. El ritmu siguía siendo baxu y el marcador permanecía favorable al Oviedo. Un disparu d’Aldasoro, esviáu a córner, foi una de les poques aproximaciones azules durante esti tramu.

 

Nos últimos minutos, l’Albacete apretó daqué más, especialmente al traviés d’acciones a balón paráu, pero la defensa carbayona consiguió resistir. Cuando’l partíu paecía encamináu al final, volvió apaecer Aarón Escandell pa sostener al equipu: nel minutu 89, el porteru azul ganó un mano a mano énte Álex Rubio tres una peligrosa acción de los locales y evitó l’empate. Nel tramu final tamién llegó’l debut profesional de Dieguito Menéndez en competición liguera. L’Oviedo tuvo que trabayar hasta l’últimu instante pa protexer la so ventaya y certificó asina una victoria que supón el primer trunfu de la temporada.