Julián Calero afronta'l próxim partíu con delles duldes físiques na plantiya, anque espera recuperar efectivos nes próximes hores. “Un poco xustos, entá de xente ente algodones. Vamos ver si recuperamos a la mayoría nestes 48 hores”, esplicó.

El técnicu azul apuesta por analizar lo asocedío y buscar soluciones. “Vimos coses que nun nos gustaron de los primeros 20 minutos. Tamién a partir de la espulsión”, señaló, enantes de poner en valor los númberos del equipu: “Tamos ente los que más tiraron y a los que menos-yos tiraron”.

Calero pide perspectiva y tranquilidá a pesar del entamu de temporada. “Nun siempre les coses entamen como tú quies, yo hubiera querío entamar ganando, pero tenemos que tener claro cuál ye'l camín. El fútbol nun espera nunca”, afirmó.

Sobre'l posible once, nun descartó cambios en función de los xugadores disponibles: “Hai que matizar la idea que tengo na cabeza y con qué xugadores pueo contar”.

Del Albacete destacó'l so nivel y les semeyances ente dambos conxuntos. “Tien una bona plantiya, creo que ta un poco nes nuestres condiciones. A nivel de confianza igual nun ye'l meyor partíu pa los dos, va ser un partíu complicáu”. Un alcuentru, eso sí, que Calero afronta cola intención de que l'Uviéu dé un pasu alantre y alcuentre'l camín hacia una bona versión.