El Real Oviedo y el Real Club Celta de Vigo algamaron un alcuerdu pa la cesión de Carlos Domínguez pa la presente temporada.

Nacíu en Vigo'l 11 de febreru de 2001, el xugador gallegu formóse nes categoríes inferiores del conxuntu vigués. Tres quemar etapes na so formación, el zaguero debutó col filial nel añu 2020 nun partíu que enfrentó al Celta Fortuna contra'l Zamora CF.

Yá na temporada 2020/2021, Carlos Domínguez estrenóse col primer equipu nun partíu que enfrentó al RC Celta de Vigo contra'l Villarreal CF en La Cerámica. A pesar del so debut, el central siguió militando nel filial hasta que na campaña 2023/2024 pasó a ser futbolista de la primer plantía.

Con un total de 64 partíos xugaos en Primera División col RC Celta de Vigo, de los cualos 13 fueron la temporada pasada, el xugador llega agora al Real Oviedo en calidá de cediu pa incrementar el nivel de la zaga carbayona y reforzar esa parcela del campu.

Trayeutoria

•    RC Celta de Vigo (2025-2026)
•    RC Celta de Vigo (2024-2025)
•    RC Celta de Vigo (2023-2024)
•    Celta Fortuna (2020/2021)

El xugador, que se pon a les órdenes de Julián Calero dende esta mesma mañana, nun va facer declaraciones hasta'l momentu de la so presentación oficial.