Alredor del 71 % de la superficie de la Tierra ta cubierta por agua, siendo los océanos los que guarden la mayor cantidá d’ello: 96,5 %. Hai agua nel aire en forma de vapor d’agua, en ríos, llagos, casquetes polares, glaciares, na tierra como humedanza y n’acuíferos, inclusive nel nuestru cuerpu o nel de los animales hai una gran cantidá d’ello. Too ta formao por esta sustancia líquido compuesto d’hidróxenu y osíxenu qu’en teoría ye incoloro, pero que les más de les veces, en grandes cantidaes, y na so bayura de tonos, siempre acaba siendo AZUL.
Color puro y intenso, como’l nuestru pantone “azul Real Uviéu”, que nestes feches, más entá, pasiamos arguyosos alredor del mundu, demostrando que sigue siendo’l color de moda por escelencia.
Por eso, y gracies a la globalidá del nuestru club, queremos que compartáis con toos nós hasta ónde llega la vuestra pasión pol “azul Real Uviéu", faciéndonos formar parte de cualquier imaxe que-y demuestre al mundu que’l branu, un añu más, ye azul uviedista.
Al traviés d’esta iniciativa, pidímosvos que tiñáis les vuestres instantánees siempre con dalgún símbolu azul, pa esparder per tol mundu que la llocura pol nuestru Real Uviéu ta presente los 365 díes del añu. En Thailandia, Eivissa, Londres, París, Senegal..., la playa más paradisiaca del mundu, el monte más altu d’un continente, na terraza del chigre del to pueblu... en resumíes cuentes, cualquier sitiu del nuestru planeta onde exista l’azul Real Uviéu, y que lo compartas con nós.
Dende güei, al traviés de les nuestres redes sociales y col hashtag #BranuUviedista17, queremos que nos faigáis parte de les distintes maneres nes que vais dir poniendo color al vuestru branu, y nós vamos dir compartiéndoles nos nuestros perfiles oficiales de redes sociales.
Nun lo escaezas: #BranuUviedista17. ¡Feliz branu, uviedistes!
