El Real Oviedo va poner en marcha esti vienres 23 d'agostu, tres la so publicación oficial nel BORME, una nueva ampliación de capital que va dexar al club llograr un importante aumentu de la llende salarial. Una ampliación de capital que parte col compromisu del accionista mayoritariu, Grupo Carso, de suscribir una importante cantidá de la mesma.
L'ampliación de capital va poner en circulación 129.950 nueves acciones nominatives, de 10,75€ de valor nominal caúna, siendo'l valor d'emisión de 30€ por acción (prima d'emisión de 19,25€ por acción), que van ampliar el capital social de la entidá na cantidá de 1.396.962,50 €.
Ye la quinta ampliación de capital a la que se somete la entidá dende la llegada de Grupo Carso al accionariado del club. Una vegada saldaes les deldes coles alministraciones públiques, tratase de la primer vegada na que la entidá va poder destinar la totalidá de la inyección de capital a amontar el poderíu económicu del club, destinando una parte de la mesma a aumentar la citada llende salarial de la plantiya para la presente
temporada. Y ye que, recuérdase que les aportaciones de Grupo Carso en forma de capital, patrocinios y avales fueron fundamentales dende'l regresu del Real Oviedo a La Liga para gociar d'un potencial económicu de primera plantiya sustancialmente superior al que la entidá podría permitise colos sos recursos propios, esguilando delles asities temporada a temporada nos baremos de posibilidá de gastu en primer equipu con en comparanza a los sos competidores na categoría.
D'esta manera, y tres la so aprobación en xunta de Conseyu d'Alministración (con potestá para la so aprobación ensin necesidá de convocatoria de Xunta Estraordinaria dende la pasada Xunta d'Accionistes), nes próximes hores va dar na so publicación oficial nel Rexistru Mercantil, momentu nel cual va empecipiase oficialmente dicha ampliación de capital.
Tolos accionistes actuales van tener un mes para poder exercer el so derechu de suscripción preferente, y dende la entidá animar a que los oviedistes que deseyen siguir sintiéndose partes de la xestión y proyectu de Grupo Carso a qu'alleguen y aumenten la so participación, exerciendo'l so derechu como actuales propietarios de títulos accionariales. Para participar na compra d'acciones nesti plazu de suscripción preferente, debe d'ingresase, na cuenta que la Sociedá tien en “La Caixa” (ES94-2100-5700- 0502-0008-2078), l'importe total d'emisión de les acciones que pretenden suscribise, indicando los datos del accionista que lu fai, según el númberu d'acciones que deseya suscribir.
SWIFT / BIC: CAIXESBBXXX
IBAN formatu electrónicu: ES9421005700050200082078
AST
