La campaña d’abonaos del Real Uviéu superó los 20.000 uviedistes que se sumaron una temporada más al azul inquebrantable de la nuestra entidá. Con esta cifra, el club avérase al so récord históricu d’abonaos, algamáu en febreru del 2016, con 20.343 abonaos na primer temporada de vuelta a LaLiga 123.
Con 22 xornaes de competición xugaes, y les dos últimes lloñe del Carlos Tartiere, la segunda vuelta de la campaña d’abonaos sumó cuasi un millar d’uviedistes nuevos que quieren convertir el Tartiere n’inquebrantable.
La campaña de segunda vuelta sigue en marcha na nuestra tienda oficial MODOO, y tamién al traviés d’internet. Si tas fuera d’Asturies, pues consiguir el to abonu online EQUÍ, y unviámoste’l carné a cualquier sitiu del mundu.
Tola info de la campaña d’abonaos, EQUÍ. Inda tas a tiempu.... ¡Ayúdanos a consiguir un Tartiere INQUEBRANTABLE!
