El Real Oviedo tuvo presencia na ceremonia d'invistes del Salón de la Fama del Fútbol Internacional, un eventu que xuntó a delles de les mayores lleyendes d'esti deporte, ente elles Iker Casillas, René Higuita o Gary Lineker, quienes fueron reconocíos pola so trayeutoria y aportación al fútbol mundial.
La presencia de representantes del Club, de la Fundación Real Oviedo y de dellos de los sos patrocinadores y collaboradores enmárcase dientro del viaxe institucional que'l Real Oviedo tenía previstu dende va meses al país azteca. Esti desplazamientu tien como principales oxetivos conocer les metodoloxíes de trabayu del Grupu Pachuca, afitar les rellaciones institucionales y xenerar sinerxes tanto internes como esternes, en llinia cola estratexa de crecedera y desenvolvimientu que impulsa la entidá mexicana.
Na comitiva oviedista participaron representantes del Conceyu de Siero, asina como de les empreses patrocinadores Hyundai, Esfer, Aurum, Loromi, El Tizón y Amaná, xunto a una representación de trabayadores de diferentes árees del Club y de la Fundación Real Oviedo.
Esti viaxe institucional supón un pasu más del proyectu global del Grupu Pachuca, reforzando la so presencia internacional y estrechando llazos con instituciones, empreses y referentes del mundu del fútbol. Una esperiencia enriquecedora que reflexa la voluntá del Grupu de siguir medrando, deprendiendo y construyendo rellaciones sólides.