La primer selmana de competición empezó cumpliendo un añu más la tradición. La primer plantiya del Real Oviedo realizó, dempués del entrenamientu mañaneru, l'habitual visita a Cuadonga, onde llevó a cabu una ufrienda floral a "La Santina" y tamién fixo entrega d'una camiseta oficial de la presente temporada.
La espedición azul, encabezada pol vicepresidente, Manuel Paredes a la cabeza, visitó'l Real Sitio de Covadonga, onde'l capellán del Real Oviedo, Santiago Heras, ofició una misa, por que darréu los capitanes Saúl Berjón, Nereo Champagne, Sergio Tejera y Christian Fernández realizaren la entrega d'un ramu de flores y una camiseta d'esta temporada a La Santina.
Tres l'actu relixosu, la primer plantiya del Real Oviedo llevó acabo una comida de confraternización. Amás la entidá aprovechó la visita al Real Sitio para realizar la entrega de equipaciones oficiales de la pasada temporada a los neños y nuevos de la Escolanía de Cuadonga.
AST
