ROV / NOTICIES

Y hasta equí'l 2020

Los azules cayen énte la Ponferradina, que neutralizó'l xuegu oviedista y sacó ventaya del balón paráu (1-0)

Volver

18/12/2020 21:19

L'últimu alcuentru d'esti atípicu 2020 llevó al Real Oviedo hasta tierres bercianes, a El Toralín, onde los azules vieron les cares cola SD Ponferradina, nun choque qu'acabó cola resultancia de 1-0.
Dempués del alcuentru de Copa del Rei énte'l Coria, onde el carbayones consiguieron la victoria y avanzaron a la siguiente ronda de la competición del KO, el Cuco Ziganda volvió faer cambéu nel once, poniendo en tema a Femenías; Juanjo Nieto, Arribas, Bolaño, Lucas; Sangalli, Javi Mier, Jimmy, Borja Sánchez; Nahuel y Blanco Leschuk.
Nuna primer parte na que'l Real Oviedo nun pudo faer el so xuegu, consecuencia d'una Ponferradina bien asitiada sobro'l campu, que cerró los espacios, y nun dexó a los de Ziganda realizar circulaciones de balón pa superar les llínees bercianes. Nahuel tuvo nel minutu diez la más clara pa los de la capital del Principáu, pero'l balón salió escorado de la portería defendida por Caro. Los locales aprovecharon el balón paráu p'abrir el marcador, con un gol de Yuri. Tres el tantu de la Ponferradina, los azules faciéronse col balón, buscando les combinaciones per banda, con centros que nun conectaron colos homes d'ataque. Cola resultancia de 1-0 llegar al descansu.
Tres el pasu por vestuarios, el Real Oviedo trató de buscar la reacción, atopándose con una Ponferradina, perbién ordenada defensivamente, que fixo de les contras la so arma pa compensar a los de Ziganda. Al igual que nel primer actu, el Real Oviedo volvió tener el control de la posesión, buscando conectar con Blanco Leschuk y Nahuel, que nun pudieron materializar les que tuvieron. Colos cambeos los azules enfrescaron l'equipu, pero los del Bierzo neutralizaron el xuegu carbayón. Joan Femenías detuvo una pena máxima executada por Yuri. Mossa y Edgar, en primer instancia, Rafa Mujica, darréu, y Viti y Riki, nos minutos finales, fueron los homes introducíos por Ziganda pa buscar l'empate.
Nun pudo consiguir el Real Oviedo una victoria pa cerrar el 2020, que va concluyir con dellos díes de descansu pa el carbayones, encarando'l primer partíu de 2021 énte'l RCD Mallorca, el 3 de xineru nel NMR Carlos Tartiere.

ROV / J19 LaLiga SmartBank

  • J. A. Caro
  • Iván Rodríguez
  • Manu
  • Alex Pascanu
  • Paris Adot
  • P. Valcarce
  • Erik Morán (81')
  • D. Romera (65')
  • Pablo Larrea
  • Juergen Elitim
  • Yuri (90')

Suplentes

  • Jonatan Lopes Soares
  • Edward Bolaños
  • Carlos Doncel (66')
  • Saúl Crespo
  • Alejandro Viedma
  • Manu García
  • Álex Aizpuru (91')
  • Mario Ordoñez
  • José Urbina
  • Moussa Sidibé
  • Amo (82')
  • Gianfranco Gazzaniga
  • Joan Femenias
  • Arribas (83')
  • Lucas (65')
  • Bolaño
  • Juanjo (83')
  • Borja Sánchez
  • Sangalli
  • Javier Mier
  • Jimmy Suárez (64')
  • Blanco Leschuk
  • Nahuel (73')

Suplentes

  • Cedric
  • Samuel Obeng
  • Joselu Guerra
  • Grippo
  • Mújica (74')
  • Johannesson
  • Riki (84')
  • Viti (84')
  • Mossa (66')
  • Aburjania
  • Gabriel Brazão
  • Edgar González (65')

Estadiu

El Toralín

Goles

  • 1-0 (15'). Yuri

Árbitru

Iñaki Vicandi Garrido amonestó aSangalli (90'), Edgar González (92') del Real Oviedo.