ROV / NOTICIES

Puntu d'arguyu y trabayu

Un Real Oviedo, que foi de menos a más, collecha un importante empate énte'l Almería nos Juegos Mediterráneos

Volver

01/05/2021 21:08

Almería y Real Oviedo víéronse nesti primer sábadu de mayu les cares nos Juegos Mediterráneos, nun choque bien apostáu nel que'l conxuntu azul foi de menos a más conforme avanzó l'alcuentru, qu'acabó con tables nel marcador.
Con un once formáu por Femenías; Johannesson, Carlos Hdez., Grippo, Bolaño; Nahuel, Edgar, Tejera, Mossa; Obeng y Borja Valle saltaron los azules sobre l'estadiu almeriense para buscar sumar na 37ª xornada en LaLiga Smartbank.
Un Real Oviedo, que foi de menos a más mientres el choque, tuvo un bon entamu de partíu, faciéndose col control del xuegu y teniendo la iniciativa para buscar la portería defendida por Makaridze, anque'l Almería cutió primero, por partida doble, teniendo dos llanzamientos dende los once metros, con parada de Femenías nel primeru y el gol de Sadiq nel segundu. Los almerienses fuéronse faciendo col control del xuegu, faciendo dañu al conxuntu de la capital del Principáu n'ataque. Sadiq punxo'l segundu nel lluminosu. Los azules buscaben los balones llargos a los homes d'ataque para xenerar peligru sobre la meta andaluza. Cola resultancia de 2-0 llegar al descansu.
Tres el pasu por vestuarios, qu'empezó cola entrada de Jimmy al terrén de xuegu, l'alcuentru camudó radicalmente'l so guion, con un Real Oviedo que se fixo col control del balón, sintiéndose cómodu y adelantrando llínees para buscar la área rival. Obeng atopó'l premiu a la insistencia azul, retayando distancies nel marcador. Los de Ziganda nun se conformaron con esti tanto y siguieron el so asediu sobre la meta del conxuntu almeriense. Grippo, tres un llanzamientu de falta, punxo l'empate nel marcador. Una vegada collecháu l'empate, el carbayones dispunxeron d'ocasiones para da-y la vuelta al alcuentru, pero nun llograron materializales ente un Almería qu'acabó l'alcuentru introduciendo homes d'ataque para tratar de sumar los tres puntos. Borja Sánchez, Rodri Ríos, Blanco Leschuk y Alejandro Arribas tamién cuntaron con minutos nel choque.
El conxuntu azul va recibir la próxima xornada al Sabadell nel NMR Carlos Tartiere, onde va buscar sumar tres puntos p´averase al oxetivu.

ROV / J37 LaLiga SmartBank

  • Makaridze
  • Buñuel
  • Nikola Maras
  • Jorge Cuenca
  • Sergio Akieme
  • José Corpas (86')
  • João Carvalho (91')
  • Radosav Petrovic
  • Manuel Morlanes (86')
  • Lazo (68')
  • Umar Sadiq

Suplentes

  • Fernando
  • Brian Rodriguez (87')
  • F. Villalba (69')
  • Juan Villar (87')
  • C. de la Hoz
  • Aketxe
  • Largie Ramazani (92')
  • Álex Centelles
  • G. Schettine
  • Chumi
  • Joan Femenias
  • Grippo
  • Bolaño
  • Carlos Hdez
  • Tejera (45')
  • Johannesson
  • Mossa (65')
  • Nahuel (88')
  • Edgar González
  • Samuel Obeng (74')
  • Borja Valle (74')

Suplentes

  • Jimmy Suárez (45')
  • Blanco Leschuk (75')
  • Borja Sánchez (66')
  • Lucas
  • Álex Suárez
  • Gabriel Brazão
  • Viti
  • Rodri (75')
  • Sandoval
  • Arribas (89')

Estadiu

Estadio de los Juegos Mediterráneos

Goles

  • 1-0 (22'). Umar Sadiq (p)
  • 2-0 (30'). Umar Sadiq
  • 2-1 (54'). Samuel Obeng
  • 2-2 (83'). Grippo

Árbitru

amonestó aBuñuel (81'), Umar Sadiq (88') del UD Almería y Nahuel (3'), Samuel Obeng (21'), Bolaño (93') del Real Oviedo.