El club refuerza asina'l so compromisu col desenvolvimientu del fútbol base al traviés de la organización de xornaes de tecnificación nel que queda de temporada. Esta segunda actividá va tener llugar nel campu de La Figalona, en Agones, ente les 10:30 y les 12:30 hores.

La sesión ta dirixida a neñes nacíes ente 2018 y 2011 que deseyen siguir medrando futbolísticamente nun entornu formativu, dinámicu y profesional. Va ser impartida por entrenadores del club, que van trabayar distintos aspectos técnicos del xuegu al traviés de tarees adaptaes a les diferentes edaes y niveles de les participantes. Amás, incluyirase un entrenamientu específicu pa porteres, col oxetivu d’ufiertar una formación lo más completa posible.

La primer sesión resultó un ésitu, polo que'l club confía en repetir una mañana pensada pa deprender, meyorar y compartir la pasión pol fútbol xunto al Real Oviedo Femenín. L'actividá ye de baldre, pero cuenta con places llimitaes, polo que se convida a toles interesaes a formalizar la so inscripción cuanto primero.

Enllaz d’inscripción: https://forms.gle/D5HHpgzBq9XawU3LA