El técnicu del Real Oviedo, Guillermo Almada, compareció na sala de prensa dempués del alcuentru contra'l Real Madrid nel Bernabéu. En primer llugar, el técnicu carbayón analizó'l partíu y esplicó que "por momentos controlamos bien el partíu y tuvimos dalguna situación de peligru. Hubiéranos prestáu tener más volumen de xuegu pero a partir d'ehí ellos abrieron el marcador. La entrega y el bon actuar de los xugadores dexónnos conformes. Sicasí, hubiéranos queríu regalar otru resultáu positivu a la xente pero lo que más rescamplu ye la entrega y la disposición".

"Nun ye normal que chiflen a xugadores de tanta jerarquía y la ovación a Santi nun me sorprende. Ganóse esti respetu a lo llargo de la so trayeutoria", comentó Almada en segundu llugar dempués de ser preguntáu polos chiflos a Mbappé y Vinicius y la ovación a Cazorla nel cambiu.

Yá por últimu, y cuestionáu pola suplencia del capitán nel día de güei, el míster uruguayu comentó que "falélu un poco con él y prefiere despidise de la xente como titular nel Tartiere y poder participar güei. Foi una decisión consensuada un poco con él. Por eso tomamos esa decisión".