El Real Oviedo empató ensin goles ante'l Burgos CF en El Requexón, frente a un rival que apostó por un xuegu direutu y una fuerte presión.

La primer parte entamó con avisu visitante, con una doble ocasión del Burgos CF que detuvo Saray nel primer minutu. Al Real Oviedo costó-y atopar precisión nos metros finales, anque foi medrando con un disparu dende fuera del área d'Andrea Villadeamigo y un zurdazu de Nati Cano que se marchó llevemente per enriba del travesanu. El Burgos respondió con un mano a mano d'Izaro que Saray atrapó ensin problemes. La ocasión más clara llegó tres un saqué de esquina, con un remate raso de Nati Cano, casi en solitariu, que se foi por bien poco. Ambos equipos llegaron al descansu col marcador ensin movese.

La segunda metá foi marcada pola seguridá de Neike, portera del Burgos CF, que lleó mui bien cada aproximación llocal. Les visitantes rozaron el gol con un disparu que se marchó por bien poco, y poco dempués Sheila Elorza vio la tarjeta amarilla por un agarre. Leire dispuso d'una ocasión clara que finó en saqué de esquina, anque Neike volvió atrapar el balón.

Yá nel tramu final, la tensión foi en aumentu, con dambos equipos lluchando cada balón como si fuera'l postreru, pero nengún llogró atopar el camín del gol.

El alcuentru finó con un 0-0 nel que'l Real Oviedo llegó con insistencia, pero la presión y el bon plantegamientu del Burgos CF frenarón los sos intentos.