Cola temporada del Real Oviedo, Real Oviedo Vetusta y equipu Femenín finada, l'actividá de la nuesa cantera nun se detién:
El Cadete A, a les órdenes de José Aurelio Crespo y campeón de lliga dende la xornada anterior, ganó 6-2 al C.D. Vallobín A na última xornada del campeonatu. Jesús Pérez (2), Pablo López, Pelayo Margolles, Adrián Rodríguez y Pelayo Rodríguez foron los encargaos d'anotar nel alcuentru.
L'Infantil A zarró la so brillante temporada con 30 victories, 0 empates y 0 derrotes. Na última xornada del campeonatu venció 0-14 al Caudal Deportivu A, en Mieres. Los goles foron obra de Pablo Torio (6), Jacobo (3), Illán Pereira (2), Pablo Pellitero, Jorge García y Pablo Rubiera.
Atlético Lugones S.D. A 1-6 Infantil B. Gabriel del Cura, Daniel López, Luis Gancedo, Jaime Álvarez, Álvaro Rodríguez y Yago Molina.
L'Alevín B empató 1-1 ante'l Real Sporting B en Mareo. El partíu correspondía a la ida de la Fase Final pa campeón de 2ª Alevín. Hugo Rodríguez marcó nel derbi asturianu. La vuelta xugarase'l próximu xueves 11 de xunu a les 18:45 en Tensi.
Pela so parte, el Benxamín B derrotó por 4-2 a la Escuela de Fútbol Mareo.
Entretanto, el Benxamín A ganó los tres partíos correspondientes a la so fase previa del Campeonatu d'España. Los resultaos foron los siguientes: Benxamín A 15-0 La Folia, Benxamín A 7-0 CDU Arroyo y Benxamín A 3-0 Industrias Santa Coloma. La Fase Final del Campeonatu d'España va disputase los díes 20 y 21 de xunetu con sede en Madrid.
Por último, cabe destacar la participación del Alevín A en LaLiga FC Futures, un torneu que'l Real Oviedo disputó 25 años dempués de la so última presencia. El conxuntu azul compitió en Villarreal frente a les meyores canteres del fútbol español, nuna de les cites más prestixoses del fútbol base nacional.
Los oviedistes firmaron empates ante'l Deportivu Alavés (0-0) y el Valencia CF (1-1), ente que cayeron frente al Rayo Vallecano (1-2) y al FC Barcelona (1-5). Más allá de los resultaos, la participación nel torneu supunxo una esperiencia de gran valor formativu pa los nuesos xugadores y un reconocimientu al trabayu que se vien realizando na cantera azul.