El Muséu del Real Oviedo amuesa dende güei un galardón más, la estatuilla del Premiu Libertas del Principáu d'Asturies, distinción concedida pola Sociedá Civil Oviedo 21 y que esti añu, na so quinta edición, recayó nel nuesu club.

El xuráu del premiu destacó'l fechu de que'l Real Oviedo cumpliera en 2026 el so primer centenariu, asina como que “la so presencia constante na vida pública de la ciudá, la so capacidá pa representar a Uviéu dientro y fuera d'Asturies y el so papel como espaciu de convivencia lu convirtieron nun elementu esencial del texíu comunitariu.”

El galardón foi recoyíu nun solemne actu celebráu nel Auditoriu-Palaciu de Congresos Príncipe Felipe, de la capital d'Asturies, pol vicepresidente del Real Oviedo, Manuel Paredes.

Xunto col Real Oviedo tamién foron galardonaos pola Sociedá Civil Oviedo 21 nesta edición de los Premios Libertas del Principáu d'Asturies l'escritor y consultor en rellaciones internacionales Marcelo Gullo, l'expolíticu Nicolás Redondo Terreros y la entidá Paisaxes d'Asturies. Amás de la correspondiente estatuilla, los galardonaos recibieron un diploma acreditativu.

Los Premios Libertas Asturies tienen como propósitu “el reconocimientu de persones y/o instituciones empecinaes nel fortalecimientu de les sociedaes llibres al traviés de la defensa activa de la causa de la llibertá”. Y los sos oxetivos son contribuir a la defensa activa de la llibertá, reconocer la entrega de persones y instituciones a esa tarea, esparder la causa de la llibertá y impulsar la salvaguarda de los individuos y les sociedaes llibres.