Nacíu en Cambrils el 24 d'agostu de 2003 (22 años) Estanis Pedrola formóse nes categoríes inferiores del FC Barcelona, llegando a debutar en LALIGA col so primer equipu, cantera que-y abrió les puertes de la Sampdoria y el Bologna. 

Nel fútbol italianu el so protagonismu concentróse na Serie B, categoría na que disputó la mayoría de los partíos, anque tamién sumó una apaición na Serie A col conxuntu de Bolonia.

L'estrému catalán tornó al fútbol español nel pasáu mercáu d'iviernu de la mano de la UD Las Palmas en calidá de cedíu, equipu insular nel que disputó un total de 20 partíos, anotando cuatro goles y dando una asistencia. 

Agora, Estanis Pedrola llega al Real Oviedo trespasáu de la Sampdoria pa reforzar l'ataque del cuadru carbayón. El mozu estrému diestru, de 1,88 metros d'altor, reforzará al conxuntu de Julián Calero con un perfil polivalente, capaz d'actuar en delles posiciones del frente d'ataque.

Trayeutoria

UD Las Palmas (2025-26)
Sampdoria (2025-26)
Bologna (2025-26)
Sampdoria (2023-25)
Barça Atlètic (2021-23)

El xugador nun realizará declaraciones hasta'l momentu de la so presentación oficial.