El centrucampista, de 18 años, militó la pasada campaña nel filial azul, anque estuvo integráu habitualmente na dinámica del primer equipu. La pasada campaña, el futbolista disputó 19 partíos col Vetusta, anotando tres goles en Segunda RFEF, y participó en ocho encuentros cola primer plantilla.

 

Durante la temporada, Agudín tuvo la oportunidá de debutar col primer equipu en dos competiciones. El so estrenu llegó na Copa del Rei, frente al Ourense CF, mientres que posteriormente disfrutó de los sos primeros minutos en LaLiga ante CA Osasuna. En dambes apaiciones dexó muestres de la so personalidá, calidá y madurez a pesar de la so mocedá.

 

La so progresión tamién tuvo reconocencia nel ámbitu internacional. Pablo Menéndez Agudín foi convocáu poles diferentes categoríes inferiores de la Selección Española, defendiendo la camiseta nacional cola Sub-16 y la Sub-17, amás de debutar cola Sub-19, una muestra más del so crecimientu y de la confianza depositada nel.

 

Agora, el mozu centrucampista afronta una nueva etapa na UE Sant Andreu, onde va tener la oportunidá de siguir acumulando esperiencia y minutos nuna categoría esixente como Primera Federación.

 

Dende'l Club deséamos a Pablo Menéndez Agudín muncha suerte nesta nueva aventura y tolos ésitos mientres la temporada.